أهلاً بكم في منتدى وملتقى قبيلة ميمون الرسمي

 


العودة   منتديات ميمون > منتديات الباديه الشعبيه > لمسات

الإهداءات

 
 
أدوات الموضوع انواع عرض الموضوع
قديم 28-02-2008, 08:33 PM   #1


الصورة الرمزية ذيب العرايف
ذيب العرايف غير متواجد حالياً

بيانات اضافيه [ + ]
 رقم العضوية : 70
 تاريخ التسجيل :  Feb 2008
 أخر زيارة : 30-12-2011 (01:05 PM)
 المشاركات : 17 [ + ]
 التقييم :  10
افتراضي مقتطفات من شعراء مطير الكبار(ارجوووو التثبيت)



[align=center][align=center]
بســـــمـ الله الرحمن الرحيم
هذه مقتطفات من شعراء مطير الكبار الذين سطروا المجد بأبياتهم وأفعالهم
صـاهود بن لامي :

غزيت انا ياعبيد بهلال عاشـور=واول صفر والتوم كلـه تمامـي
غديت انا بظهورهن تقل ناطـور=جانا الشتا ماشفت زرق الوشامي
كم فاطر من نيها تزعـج الكـور=تفصم محاليق الرسن والخطامـي
واليوم قام ذراعها يشذب الـزور=مع دربنا يوم امرسـن العلامـي
يذكر لنا ياعبيد شلخان وصقـور=بقصى شعيب صواب بذيك الزوامي
ندكهم ياعبيد مـع طلعـة النـور=كما يدك الجول فـرخ القطامـي
لو انها في مطلق وافـي الشـور=هاذيك هي اللي عليها السنامـي
الشيخ الشاعر الفــارس جهز بن شرار
اشتهر الشيخ الفارس الشاعر:جهز بن فازع بن شرار الميموني من شيوخ بني عبدالله من مطير بالصدق بين القبائل خاصه في الشعر حتى انه اطلق عليه لقب شاعر الشعار بين الحكام وشيوخ القبائل .
كان الملك عبدالعزيز يحبه من اجل صدقه ويقول له اني احبك ياجهز من اجل الصدق,وكان وفيء عند ابرام المعاهدات وغيرها,مماجعل له الهيبه بين الرجال والرّعب في قلوب الاعداء,والميزه الثانيه اللتي يمتازبها عن غيره,انه لايعتدي الا على من اعتدا عليه ولايقارض الا من يقارضه,وله عدة قصائد يصف الوقعات اللتي تحصل عليه من الاخرين وله قصائد في النصح والوصايا وغيرها .
مما قال

ياهل العيرات خلوهن شلايـل=يم ابوتركي وتبراهـن عبيّـه
ماتجي بالسوم من كل القبايـل=يوم خفنا منه جبناهـا هديـه
نجد من قبله تعشاها القبايـل=وانت يامحفوظ قنّعت اعشويه
حاكم الحكيم حلحيل المحايـل=خالط الافعال بابصارٍ قويـه
ياعشير الترف منسوع الجدايل=يوم اخذتم نجد ابي منكم حذيّه
كانت الاعوام الغابره حافله بالتوترات القبليه والاطماع على اشدّها والحذر الشديد يلازم رجل الباديه ولايطمئن على حلاله من السلب بين فتره واخرى ولكن ذلكم لم يكن شيئا غريبا بالنسبه لهم حيث تعودوا على الغارات المتبادله
وعندما لانجدهم ينفجعون على ماقد يفقدونه نتيجه للغارات القبليه المستمره المعتاده بين الاينه والاخرى ولهذا نجد الشيخ جهز بن شرار من الاشداء وكثير المغازي ولكن الحزن كما يذكره الشيخ جهز في قصيدته التاليه يبدأ عندما تكون الفرص غير سانحه والابواب مغلقه والحاجه الماسه متباينه للأعيان
يقول فيهـــا

يالله يارفّـاع سـبـع السـمـوات=ياللي بمدات العطاء ما انت بمشيـر
تمدنـي عـن العطايـا الردّيـات=امـا عطايـا غبـر والا معاذيـر
قولوا لأبو معتق رفيقي بمـا فـات=لو احرز الميراد ما احرز مصادير
ماتخبـره يازبـن تـال الونيّـات=اللـي ورد ماتخبـره بالمصاديـر
لـو ان بيبـان الخرايـم مخـلات=ماكثّـر الميقـاف بيـن الدواويـر
نرجى العطاء من عند رب السموات=فوق النضى ومعسكرات المساميـر
مار ان لبيبان الخرايـم حراسـات=وغير الحرس حطوا وراهن نواطير
كان الكيف عند الباديه قديما من اهم مقومات الحياه
وكانت تساق على الرجل قبل من ادنى منه
ايضا
لهم فيها ذوق خاص ورفيع للغايه
وكان عند الشيخ جهز عامل قهوه ولكن ليس ماهرا بعمل القهوه ممايفقدها كثيرا من ميزاتها
وقال فيها رحمه الله

ياعنك مافنجال راشـد بمشهـاه=ينيـه والا يدّغثـه بالسريـبـي
ودك الى جاء الشول راس مضماه=انه يقف له فـوق راس القليبـي
وان صدرت من كوكبا راهيا ماه=الى العرق من صابره له صبيبي
امتاز الشاعر جهز بسهوله الابيات
وكثره حفظها
فهو من اكثر الشعراء الذين تتناقل ابياتهم حتى في الوقت الحالي وبكثره
وكان يلقب ايضا بلقب
الشــاعر الصدوق
يقول فيها

يم فاضه مطربه جانـا عشيـه=يتمنى اللي حضر بالكون غايـب
يوم جات افزوعهم من كل نيـه=خيلهم والجيش دقلاتٍ غصايـب
نحمـد الفعّـال واللابـه شويـه=يوم سلمت روسنا وانجى الركايب
سلئل الحضـار والذمـه بريـه=عن مواقف ربعنا يوم الغصايب
المواقـف لهلهـا ماهـي غبيـه=والكرب بالضيق عند الله وهايب
اخبر الغايب ترى عنـده زريـه=واعذريني يامنسعـت الذوايـب
نورد الهايب على روس الرعيـه=وفايت الارزاق مايوخذ غصايب

وله ايضا

العقله اللي مادهلهـا العطينـي=حنا الى هيبت نقطـن شفاهـا
ولاهي بعادتنا كلاب القطينـي=تنبح سلف وردا على جال ماها
ولاهي تحوز بيوتنا بالبطينـي=عن وجه ركبانا بعيدا مداهـا
كما يقال إن جهزاً مجاب الدعوة فقد قتلت فرسه فطلب من والده فازع أن يعطيه الفرس ليغزو بها مع الغزو على احدى القبايل لأن فرسه قتلت لكن والده رفض أن يعطيه الفرس لأنه قد وعد شخصاً اسمه كديميس بالفرس فكره أن يخلف الوعد وفعلاً أخذ كديميس فرس فازع بن شرار وفي الصباح تأهب الغزاة ثم توجهوا في طريقهم الى الوقعه أما جهز بن شرار فقد جلس على رجم مرتفع من الأرض وأخذ ينظر إلى الغزاة ولا يستطيع الذهاب معهم أن فرسه قد قتلت فقال:
يوم اسهجني نابيـات النسانيـس=الموت عندي والحيـاة متسـاوي
عسى فقيدة قوم فـازع كديميـس=يضرب برمح بين الأضلاع هاوي
الله يجيبه لـه علـى دارة الديـس=بمشلشل عـوده طويـل رهـاوي
اما أنت يا مثال ولا أنت يا نعيس=حيـث انكـم قدامهـم بالحـراوي
حيث إنكم فرّيس وعيـال فرّيـس=أهل امهار الخيل ما أنتم شـواوي
أجاب الله دعوة جهز بن شرار فقد ضرب مثال ونعيس كديميسا برمح طويل رهاوي كما قال فقتل كديميس وأخذت الفرس ولكن القبيله عندما سمعت بقصيدة جهز بن شرار ومدحه لهم ارجعوا الفرس إلى صاحبها
ويقول الشاعر جهز بن شرار في الفخــر

كم ذود مصلاح نحرك له أسباب=وحنّا إلى شا الله نشتـت نويّـه
إن جيت أعدّ أكواننا عدّ وحساب=كواينن بفعـول ماهـي خفيّـة
بالطيب تشهد لي مغاتير شبّـاب=وكاين سبيع بـوادي القنصليّـة
الشاعر حنيف بن سعيدان المطيـريعاش تقريبا بين عامي 1264 هـ الى عام 1362 هـ .
ذكر حفيده ضيف الله بن راشد بن محارب بن حنيف عن جده حنيف : ( طويل القامة عريض المنكبين والنحر كبير الراس اسحم الوجه وكثيرا ما كان موضع اهتمام من يقابله وهو لا يعرفه وقد توفى ((يرحمه الله )) سنة 1362هـ تقريبا ودفن عند ماء يسمى (( الوقبا )) في منطقة الحدود الشمالية للسعودية عن عمر قارب المائة ) .
وحنيف بن سعيـدان هو المقصود في البيت المشهور :

خمسة عشر فنجال لحنيف صبيت=لو ان بطنـه قربـةٍ قـد ملاهـا
ولي هذا البيت حكاية وهو ان حنيف لم يمهل مضيفه الذي تثاقل من كثر ما صب لحنيف من القهوة وحنيف لم يهز فنجاله وقال المضيف البيت اعلاه فرد حنيف عليه قائلاً :
لاتحسب اني من دلالك تقهويـت=ما تنقه الشراب من كثـر ماهـا
ياموصي الحرمة على صكّة البيت=تقول ما انتب فيه وانتـه وراهـا
ولحنيف بن سعيدان قصائد في مدح الملك عبدالعزيز رحمه الله منها :
تحالفوا قدمي من الناس شيبـان=ما جابت الخفرات مثله ضنيـه
ما جابت الخفرات مثله ولا كان=لا داخل البيـدا ولا خارجيـه
اشقر يخلي وافر الريش عريان=خبطة يده تورث حياض المنيه
ولحنيف هذه الابيات الرائعـة :
ياعد واعلك من الوسم ممطور=من نو براقٍ تقافـت عشايـاه
ياعد ما مروك بهلال عاشور=وا ستجنبوا مثل الفهود المغذاه
اهل بيوتٍ كنها شمخ القـور=لى جيت هذا ما تعدى لهـاذاه
كما ان له قصيدة في مدح الشيخ محسن الفرم يقول في مطلعها :
عديت بالمرقاب من ضيق جولـي=وعدلت في راس الحجا ما طرالي
واخيرا نختم بهذه القصيدة الغزلية قال حنيـف :
ياناس قلبي حايـر ويـن باغديـه=اما افزعوا والا عطـوه الستـادي
والاعطوه مغيـزل العيـن يبريـه=يوزيه من بيـن النحـر والثنـادي
ترى الحضيض اللي عشيره يصافيه=والا رديفه فـوق عصـم الايـادي
الى بغى لـه حاجـة مـا يناديـه=الى التفـت مادونـه الا الشـدادي
ولعل ورد الما يغله ويكويه=مامور ورده لو كثر للنفادي
هذا يقود وذاك ورد ضواميه=وهذا يحدر والمصوت ينادي
على الظهر كل صميله يرويه=تهلهلوا بالري ةالكل قادي
اللي نطحني فوق الأشفر يصاغيه=اول عذابي قال وين انت غادي
ياناس قلبي حاير وين ابغديه=اما افزعوا والا عطوه الستادي
والا عطوه مغيزل العين يفريه=يوزيه مابين النحر والفوادي
داري عليه بموقه زين حطيه=غاديه ينبت له عراوي جدادي
ترى الحظيظ اللي عشيره يصافيه=ولارديفه فوق عصم الايادي
اليا بغى له حاجة ما يناديه=الى التفت مادونه الا الشدادي
يرخي المليثم مايصدد باشافيه=ارخى المليثم واسفرن الثنادي
ثم انطلق قرن على المتن ثاعيه=قدم اربع وخلاف ماله عدادي
وله كذلك :
إليا قيل وين مطير واخفن الارماس=بالرأس بين محقبة واللهابه
كزولهن من غب الامطار عساس=وتباشرو بالصلب كثرة شرابه
وتقودوا فرسانهم قحص الافراس=وحطو جنيحن شدتن من حرابه
يتلون ابن سلطان قطاع الارماس=دينن على ولد الدويش ووفابه
يقداء جموعن كنها ناب الاطعاس=وصم الحواف ماعرفنا حسابه
اسمن على جسمن وجدن على ساس=وفعلن قديم من عصور الصحابه
ياشيخنا مالك حلين مع الناس=كونك صباح وكون غيرك نهابه
كونك كبير ومنة الاجناب تقتاس=الى واجة الطرقي الاخر حكا به
مثل نهارن يوم الارياق يباس=من ذاق ضرب ايمانهم ماسعا به
خلي على صيانهم حمر الاكياس=والبن الاشقر ماهتنوا في شرابه
ولا يزاعم الدوشان كود انقر الراس=اللة يمن خوف من لاسعابه
امهارهم في غبة الكون غطاس=وايمانهم ترمي العشاء للذيابه
لباسة الماهود والدرع والطاس=ومصقلن تدني المنايا ذبابه
يجلي عن الكبد الصدا سلة الماس=يومن تقطع بالرضيمة ضبابه
من ضرب علوى خيلهم تمرس امراس=امراس صيدن مقتفيتة ذيابه
ما عفتوهن عند زينات الاجناس=وعند البكار اللي لهن انحطابه
عدونا يصبر على كسرت الباس=وصديقنا يفتق زرار الحرابه
والذود جعلة فدوتن لك عن الباس=ياشوق من كن الزهر في لبابه
الشاعر سحلي العواي البرازي المطيري
من البرزان من مطير اللة يرحمة وقد توفي عم 1998 بحفر الباطن ..
هو صاحب القصيدة المشهورة عندما حاول احد كبار رجال الاعمال بحفر الباطن ان يغتصب المنحة الممنوحة للعواي بشتى الطرق وساعدة ضعاف النفوس بالدولة عند ذاللك قام الشاعر الكبير /سحلي العواي بالذهاب الى وزارة الذاخلية وطلب مقابلة سيدي وزير الداخلية وبالفعل قابلة وكان مع الامير ابنة نواف ابن نايف وكان واقفا بجانب والدة فتقد سحلي العواي وقال قصيدتة المشهورة بالشمال

ياسيدي زل الشتاء واقبل الصيف=وانا برجوى معاملات الحكومـه
تلعب بي السرقان لعب على الكيف=رزّت بيارقهـا ونجـد محكومـه
وانته عليك من المحلى تواصيف=الحر حر وماكـر البـوم بومـه
ياعل بيت مايذري عـن الحيـف=تصبح معالـم مبانيـه مهدومـه
عند ذالك سال الامير نواف والدة وزير الداخلية يبو ويش يقول البدوي قال والدة سمو سيدي وزير الداخلية يقول اذا ما عطيتوني حقي سوف تطيح القصر فبكى الامير نواف وامر وزير الداخلية بامر صريح ان يستام العواي منحتة من بلدية حفر الباطن .
وله :

هجي ترى خاطري ملموس=يا بكرتـي يـا الحويطيـه
تنحـري كاسـب النامـوس=معطـي البواريـد خرجيـه
انا ليـا دق بـي هاجـوس=مانـي ولـد عـن وعطيـه
انا خويـاً لحبـس حبـوس=مانـي خويـن لكرجـيـه
ما اطمن الراس تحت الروس=تزعـل علـي المطيـريـه
وكذلك :
ياهيه يا اللي تا تسافـر لملحـان=ود الرسالـه يـم راع الرسايـل
أنا على شوفه شفاوي وشفقـان=لو أن مالـي حاجـةٍ يـم حايـل
ودي بشوفه مير عاجز وتعبـان=وعليه من درب المراجـل دلايـل
يابو مشاري ياسلايـل كحيـلان=صابر وأنا أشوف النكّر والهوايل
حنا وقت اليوم يا أميـر عميـان=الحق غـادي والشـداد أمتمايـل
أمر الحفر بيدين عوده وعثمـان=عقب الرجال اللي تقود الأصايـل
اللي يقودون السبايـا بالأكـوان=فرسـان يـزون العـدو الغلايـل
كم واحدٍ داسوه مـع فجـر الأذان=كونٍ على الأجناب والسبر صايل
اللي مخابطهم وراء حزم حـوران=يوم الحضير يجمعـون الجوايـل
اليوم حضر سدير سوت لها شان=شاخت وأورتنا أنجـوم القوايـل
وحنا غدينا بينهم مثـل عـدوان=متفرقيـنٍ عقـب هكـا القبايـل
حطننٍ أدوج وين قضاب الأرسان=أن كان غرّت منك مامن عقايـل
سوت بنا حضران ورقه شمعدان=أصبر ليـال وياخـذون العوايـل
ماعاد به واصل ولا فيه صعـران=أقفت علينا ما بهـا قـول قايـل
والضابط المسؤل عنـا سليمـان=لو أنت راعي حق سواك عايـل
هاذي علوم أبريه من غير نقصان=خذ الصحيح أن كان عنا أتسايـل
ببيوتنا بـس أنتراعـا بالأعيـان=الذيب رابض والسلوقـي يفايـل
البيت مايبنى على غيـر عمـدان=وين العمود اللي يشيـل الثقايـل
وله :
يازين شب النار بأرض بياحي=والزول يزميلي على مد شوفي
والبيت مبني والرعايا ضواحي=وانته تمشى مع نبات الحروفي
أخير من ذبحا بليّا سلاحي=بقبوت الحيين مثل الضعوفي
ببيوتنا مثل الدجاج المداحي=متشفقا عقب الشداد الردوفي
ياوب خلف صاحي ولاني بصاحي=بس اتلفت مثل راس الخروفي
خروفا ادلم مايعرف المتاحي=وراعيه جابرته عليه الظروفي
ابكي على وقت حضرته وراحي=اتلاه يامحمد نهار الكسوفي
ياحيف وين موردين الرماحي=اللي نهار الكون تروي السيوفي
يالخس وين مطير هكالنواحي=سلفان مثل مزبرات القنوفي
تسايروا ثم صوتوا بالفلاحي=هيهات ياما فرقوا من شفوفي
خذتهم الدنيا هجاد وصباحي=وحنّا بقينا عقب هكالصفوفي
صار العوض فيهم خطاة الضياحي=ياعنك ماكدٍ عليه مخلوفي
البطن ماتلحق عليه الشباحي=وان نام ماياعي كبير الدفوفي
يالخس يومنه تكسر جناحي=ماني على الدنيا كثير الحسوفي
اليوم موتي والحياة متواحي=يابو خلف منكف وعايف وموفي
الى تهيالي غزال البراحي=مالي بصيد مخبطات البلوفي
يابو خلف ذا منهجي واقتراحي=وانته على رد المثايل عروفي
وللشاعر الكبير المرحوم سحلي العوّاي هذه القصيدة في الامير محمد الاحمد السديري ويسندها على إبن أخيه فهيد وللمعلوميّه أنّ الشاعر سحلي تزوّج ولكن لم يأتيه أولاد ويقول فيها :
يافهيد وقتٍ بينـت لـي حـزوزه=أهوش من دونك بحاضر ودينـه
مشافت حتى الدوج طاحت قزوزه=من كثر مايسحب علـى بانزينـه
من اولٍ جايز وفـوق المجمـوزه=واليوم خلـه نـوح خـلا جنينـه
خلّه لعلّه يبـن سحلـي همـوزه=لحقت على العطراء وابو زيد وينه
لو آصله كان أشتـري مايعـوزه=ابدّلـه وإلاّ اشتريـلـه مكيـنـه
شيخٍ مجرب من وراء الناس نوزه=ماهو بنا كـل العـرب خابرينـه
أمارته ماهـي عليـه مغـزوزه=ساسٍ عريب وتلّهـا فـي يمينـه
محمد الى جتـه اليديـن معيـوزه=زاد بعطاه الى اشتلهبـت سنينـه
ياما عطا أطيب ماطلع من طروزه=من وارد السبعـه تفـرق يدينـه
وإلاّ خطاة الشيـخ ينكـب فـوزه=يابس عسى تابس يدينـه وعينـه

الشاعر الكبير فلاح بن مبرد الحميداني
(1)

قالوا علامك مـا تقـول القوافـي=وأقول انا ماني بعجلٍ على القـاف
كمّ كلمة كثـرت عليهـا الحسافـي=وكمّ ضاع من بين المخاليق ميقاف
اللّي لمست من أكثر النّـاس كافـي=ياقلّ من فعلـه يشـرّف وينشـاف
بالنّفس عن بعض المواقف عفافـي=عن الطّمان أبدي على راس مشراف
لي مع بعيديـن الهقـاوي مطافـي=ولى دون عوجان المناهيج محراف
واليا استوى المعنى على رسم قافي=لابد ما يظهر له أنصار وإنصـاف
من واحـدٍ يعلـم كنيـن الخوافـي=علاّم سرّ الكون يرجـى وينخـاف
هو خالقـي لـه ذلّتـي وأعترافـي=هو القدير بكلّ شـيٍّ هـو الكـاف
هو الّـذي عنـد المواعيـد وافـي=وعلى وعيده تلحق اسلاف باسلاف
كم صفصفٍ يرفع عماره يشافـي=وكم عامرٍ ساوى مبانيه صفصاف
تذري عليـه مصافقـات السوافـي=تطرد به السملول من عقب الارياف
دنياً اليا جا فـي هواهـا اختلافـي=من حكمة المولى لها عشق وعياف
ما جت على كيف الرديّ والسّنافـي=ذى قدرة اللّي خالقٍ كل الاصنـاف
(2)
راكب اللّي حرّكت وأستـدارت بالمطـار=شغّلـت بنكاتهـا واستعـدّت للمطـيـر
قابلت للنّـود واوقـف لتزويـد العيـار=وشلّعت تشليعة اللّـي مسابيقـه حريـر
وارفعت سمر العجل يوم ضفّت باشتهار=يوم ضفّت كنها فـرخ قرنـاس صغيـر
من طراز الميج بالجوّ عجـلات الطيـار=لعنبوا سوّاقهـا كيـف فكـره مايحيـر
نجّبوها في لزومي على موجـب قـرار=يوم شافوا منيّ الحال يادهيّـس ضريـر
بلّغ السواق بأمـر مـن الحاكـم وسـار=ورسموا له بالخوارط مسافـات المسيـر
يوم جا الشعبه ونزلّ كفّرهـا واستـدار=قال وين أنزل وقلت أنت في شغلك بصير
قال كيف انزل على سهلتن مافيـه قـار=قلت ملزوم نزولك لـو المنـزل خطيـر
لازم أشوف الغضي ولو لمحت بصـار=لين أشوفه في عيوني ويرتاح الضميـر
عنق ريم قادت الصيد في تالـي النهـار=يوم سمع الرمي قـاد الجميلـه مستثيـر
عينها عين أشقر من صواريـم الحـرار=توّ جا طرح الشبـك جايبينـه للأميـر
الوصـوف حـزوف وردوف صغـار=في نظر عينها لأهل الهوا شـرٍ شريـر
(3)
خانت الدنيا بها أفكـار مـن فكّرتحيـر=من تخاليف الدّواليـب مـا فيهـا قـرار
لو صفت في يوم باليوم الآخـر تستديـر=ما يجي من حلوها كثر ماتعطـي مـرار
صار ممشاها بها الوقت مع مجرى عسير=غيرت منهاجها الزين والوقـت أستـدار
طمّنت روس الحمايل مدلّهـت القصيـر=الرجال اللّي من أول لهـا قـدر ووقـار
وأرتفع فيها رجال أسم والأ الفعـل غيـر=صار طيب اليوم لأهل المناصب والتجار
كم تلقّـي وجههـا واحـدٍ مافيـه خيـر=لانصوه أهل المواجيـب طيبـه بالعـذار
من عجب ماشفت فيها وانا توّي صغيـر=آخر الوقت أشترى الخيل ركّاب الحمـار
قبـل مايقنونهـا إلا مفرّحـت النـذيـر=لاسمع فـي سربـةٍ حاولـت هكالديـار
لا توكّد بالخبر واوصـل العلـم الأميـر=قال خفت يحاولون العرب مأنتم حضـار
قال لّه علمك وصل وصّلك ربـي لخيـر=بس مانرحل عن الدار لو راحـت عمـار
من كتبله طولت العمر ماعمـره قصيـر=ولاتطول أعمار ناس كتبهـا الله قصـار
يوم ثاني بالضّحى جاهم الراعـي مغيـر=صاح بأعلى الصوت يالابتي يأهل البكار
لجّ كلّ النجع صوت الكبير مع الصغيـر=وأهل العادات ركبوا علـى قـبّ المهـار
جلّعن مثل القطا اللّي يبـا نقعـة غديـر=صافقه لاهوب صيفٍ ميبّسـن الخضـار
يوم شافوهم ولحقوا علـى شـرٍّ وخيـر=اسهمت بمجرّب يوم شاف الجمـع أغـار
ضاريٍ في جدعة الشيخ باليـوم الكبيـر=لا تلاقـن السبايـا وحـسّ الهيـج ثـار
وارده باللّي تداوي الغليـل مـن المغيـر=مانسى الصيحه وهو يسمع حنين أم الحوار


 
 توقيع : ذيب العرايف


إهداء منتديات ميمون

التعديل الأخير تم بواسطة أبن جويبر العبدلي ; 02-04-2008 الساعة 12:09 PM

قديم 28-02-2008, 08:40 PM   #2


الصورة الرمزية ذيب العرايف
ذيب العرايف غير متواجد حالياً

بيانات اضافيه [ + ]
 رقم العضوية : 70
 تاريخ التسجيل :  Feb 2008
 أخر زيارة : 30-12-2011 (01:05 PM)
 المشاركات : 17 [ + ]
 التقييم :  10
افتراضي تاااابع



(4)
عدّيـت فـي راس الطويلـة وغنّيـت=أفرض رضا روحي على مـن كلفهـا
أغضبتها في موقف الطيب وأرضيتف=كـرٍ علـى درب المعاسـر عسفهـا
ياقـوّ طاقتهـا بمـا شـال وأخفيـت=شيـئٍ عليـه الـروح مـاالله كلفهـا
حاولت أغيّر في مجاريـه وأزريـت=ماينخصـم وجـه الحقيقـه عرفـهـا
مـع الظّـروف بمقنعاتـه تقصّيـت=كم حلت به حيلـة تصيـب ونسفهـا
حتّى عليه من الغضـب منـه ردّيـت=ردّة منزّحت السّـرب عـن عطفهـا
لا شكّ ماصـارت علـى ماتورّيـت=عند الغضب تخطي المصيبـه هدفهـا
جيتـه ليـا جيـت مطـوّع لعفريـت=يخلي الجسد لاجى والى أقفى خطفهـا
وقفت مالي مـن جـدا إلا التنّاهيـت=ألعـن هكـا الحـزّة وحـظّ عرفهـا
ممّا بصدري سجت رجلـي وسجّيـت=أقنّـع النّفـس العـزيـزة باسفـهـا
ما يرجع اللّي فات لـو قلـت ياليـت=دنيـا تخالفنـي عـلـى الله خلفـهـا
جلسـت فـي راس النّبـا واستمدّيـت=وحالي على غيـر أحتمالـي دغفهـا
كنّه لبس جسمي مـن الجـنّ عفريـت=يوم أرتهج وصفـوح طبلـه رجفهـا
نسنس هـواه اللّـي يهـزّ المنابيـت=صلفـن ليـا هبّـت هبوبـه عطفهـا
هـواه حنّـت منـه روس النّحاتيـت=وتجاوبـت خضـر الجريـد بسعفهـا
قامـت تصافقهـا هبـوب السّباريـت=لين العذوق الخضـر هلـت حشفهـا
ورّانـي الدنيـا عـلـى ماتمنّـيـت=هـدّم مبانيـهـا وحـطّـم تحفـهـا
ضربه يفتّت عالـي السقـف تفتيـت=من أعلى طوابقها ليـا آخـر غرفهـا
يشتّـت المجمـوع بالقـوع تشتيـت=صبّاتهـا كبـر الأظافـر شظفـهـا
من عابرات ماتمشّـى علـى الزيـت=أحـدث صناعـات الخبيـر اكتشفهـا
فكري موقّتّها علـى الضيـق توقيـت=لو أطلب الصنـع المحـرم صرفهـا
هيجات فكري تجمـع الحـيّ بالميـت=صنع الخفايا معجـزة مـن وصفهـا
دخلت في مثل الظلام وطفـيّ الليـت=وشـدّ الستـارة بالخيـوط وكشفـهـا
أدرج شريطـه بالجهـاز وتحلّـيـت=يمشي علـى نـون النواظـر سلفهـا
تتابعـت فـزّات روحـي وفـزيـت=وكـنّ الوجيـه الغايبـات تعرفـهـا
تدفقـت عبراتـهـا يــوم ونـيّـت=وجفنـي غسلهـا بالدمـوع ونشفهـا
في راس مرقـاب العنـا ليـن ملّيـت=من عصر لين الشمس كفـت طرفهـا
مع العذاب أبحرت وأحترت وأمسيـت=كنـيّ سفينـة نـوح ممـا صدفـهـا
خوفّنـي الهاجـوس ليـن أستخفّيـت=وفكّ الحصـار وقـال دنيـاك شفهـا
يوم أستهاض وهاض وصّفت واصفيت=نقعـة بحـر لـو زاد ماهـا نشفهـا
[/align]
(5)
سرا بارقٍ ساقه نسيـم الهـوى حدر=على غير مجراه الطبيعي سـرا نوره
تكاشف مزونـه بالدّجـا بارقـه ندر=على الخدّ هلّ من أطرف السّود شختوره
عسى الله يعين اللّي يشوفـه ولاقدر=على قطف زملوقه ليا بانـت زهوره
يجازيـك يالايـام مشروبهـا كدر=الايّام مـع سـود الليّالـي لهـا دوره
تزيّـن لهـا وقتـن وعاداتهـا الغدر=ليا ذّوقت من حلوهـا تقلـب الصـوره
ليا قلت قلبي طاب ومن المرض خدر=تسبّب بـداه مـن المخاليـق دكتوره
أبو لبّـةٍ عفـرا كمـا شعّـت البدر=تكاشف ورا شقرن على الصدر منشوره
قبالـه دقيقـه كنّهـا ليـلـة الـقـدر=تمتّع بها نفس مـن الحـب مقهوره
عليّه من المجمول حكم الهـوى صدر=حكمني على كيفـه بقانـون دستوره
جداي افرك الكفّين والطم على الصدر=كما لطمت الشيعي ليا حـل عاشوره
[/align]
البستان لشاعر محمد خلف الخس

بالله ياهـل البيـت لاتشلعونـه=خلوا عيوني من حبيبي تـروى
ثم لاتهوزونـه تبـا تضربونـه=جعل اليدين اللي تطقـه تكـوى
جلده حريرٍ لـو تبـا تلمسونـه=مثل النفل لو تلمسه لمـس ذوى
غروٍ نياشين الغلا فـي عيونـه=يضحك ويشرلي على القلب جوى
يقـول هـذا لـك ولايقربونـه=وابو الذي يزعل بعشرين ضوى
وانا مليك ارضاه ماجوز دونـه=قلبي معه في يديه من حيث موى
حيث اني افهم ماخفى من ضنونه=وادري بقلبه مـن قديـم وتـوى
واخشى عليه من العرب ينضلونه=انا اشهد ان اللي مسويـه سـوى
نبنوب موزٍ مايـلات غصونـه=عرقه من الجم الـزلال يتقـوى
والخد بـراقٍ تكاشـف مزونـه=مثل المشاعل في مقاديـم نـوى
عنق الغـزال مخلعـاتٍ متونـه=والثوب من فوقه عليه يتطـوى
في خاطري مافالبشر مثل لونـه=مما خلق ربي مـن ادم وحـوى
الله على من شد مجمـع قرونـه=واكنع عليه وفي رقبتـه تلـوى
(2)

يامرحبا يااللي لـك القلـب مفجـوج=عـداد نسنـاس الهبايـب ليـا فـاج
حطيت ريع بوسـط القلـب هجهـوج=ياعيـن حـر بالخضيـرا ليـا راج
حبك طفح بي طفحت الساج بالمـوج=ماعاد لي عن حبـك اليـوم مخـراج
اودعتنـي لاشـرب ولاكـل ولادوج=ولاستطعم المنطوق من كـل هـراج
لاغبت عنـي دق بـي كـل دالـوج=قامـت تواردنـي هواجيسـي ازراج
قلبي يجينـي نـوج واضيعـه نـوج=يجيه مـن فرقـاك سجـه وسوهـاج
كن البنات الشقر عندي مـن الهـوج=ماكن به غيـرك علـى الارض دواج
عندي جميع السن بنات العرب عـوج=الا لسانك فيـه لـي طـب وعـلاج
في هرجتك شئ من السحـر ممجـوج=والنور مـن غرتـك يطلـع وينبـاج
وليا ضحكـت بذبـل مابهـا فلـوج=مثل البرد مـن مزنـة تلعـج العـاج
واغضيت في سودن بها السحر مدعوج=ترسل سهوم الموت من حجره افـواج
تنثـرن شقـر مثـل كاسـي الغـوج=تاصل اليا ردف كما حـزف ديبـاج
جاني بـلا فالقلـب يسوجنـي سـوج=يتلنـي يمـك لـك الـروح تنعـاج
كني اليا شفتك على انهـار وبـروج=والاملك شعبٍ علـى راسـي التـاج
واليا بديت بضحك وهروج واغنـوج=قلبي غدا زبده على صالـي الصـاج
او مير كني بين الاضـلاع مخجـوج=بشلفا مثـل شلفـا غنيـم بـن فـراج
غنيم بن شبلان مخلـن لـه سـروج=ليا صاح في تالي الرمك راحت امراج
تبـا تخلينـي مـن العقـل ممـروج=على العمـر شامـان تدرجنـي ادراج
ياروح روحي كـان مامنـك منتـوج=خف الغلا لاعـاد تحرجنـي احـراج
خليتني يازين الاوصـاف محـروج=صليت فيّـه شـرق ماعـاد يحتـاج
لـو قلـت سيـر وخـذ عندنـا روج=جيتك على الاقـدام ممشـى ودفـلاج
اجي وانـا مبهـوج واروح مبهـوج=ليا حصل لي منك لو رفـة احجـاج
(3)

راكب اللي تقـول مذيّـر ذاعرينـه=سامعٍ صقعة البندق وهـو مارمقهـا
يوم فـز وتشمحـط للمبنـدق بعينـه=حاذفٍ صفرة البندق وهـو مافهقهـا
وانصفق مقفي تاصـل لحيّـه يدينـه=لو يباري القطاه اللي تقلـب سبقهـا
اشقرٍ من نسـل شقـران متخيرينـه=من حرارٍ يعرفون الرجـال معمقهـا
اوصله شاعرٍ كل العـرب خابرينـه=كم بيوتٍ مثل نظم الجواهـر طرقهـا
هو حميد الرشيـدي كلكـم عارفينـه=المعاني مع اهل العرف يفتـح نفقهـا
سلـم الله رجـاه وسلـم الله يميـنـه=حيثه الكلمة العوجاء ماعمره نطقهـا
باغ ٍ اخبره فـي علـم بينـي وبينـه=الامانه غدت وامينهـا اللـي سرقهـا
لو حلف لي بوجدانه وربـه ودينـه=ما أقبل العذر لو انه بغيـره لصقهـا
وانت تدري لاشك الحق وينه ضمينه=وين حلال مشكلهـا ومـدّي رفقهـا
ياحميد الطرب والانس راحت سنينـه=مع سنين ام خمس اللي تشاعل فشقها
في يدين الـذي مضرابهـا حافظينـه=عند تال الركاب اليا تناضـح عرقهـا
في نهارٍ يفـر المـرء مـن والدينـه=تذهل المرضعه عن حملها من رهقها
يظهر الحق هاك الوقـت لمدورينـه=كانها طارت الابصار ممـا طرقهـا
واكرم الناس بالذمـه يهّمـل جنينـه=لو يبا كبـر حبـة خردلـه مانشقهـا
يالله العـن ابليـس وعالـمٍ تابعينـه=عالمٍ ماتراقـب ربهـا اللـي خلقهـا
الزمان اختلف والخلف من وارثينـه=والضمير انعدم والناس اخذها وذقهـا
لو تطالب بحـقٍ والعـرب شايفينـه=قيل لك فاتت الدعوى وشربت مرقها
واصبح الحق في وسط البحر حاذفينه=وان تكلمت يالرجال طالـت شققهـا
وانفتح باب حسادك على مصرعينـه=واركبت حصنها العالم وهدت سلقهـا
يامكافي تكافي شـر الارض ودفينـه=وإبعض الناس ليت الله سحقها ومحقها
كود من فيه خيرٍ جعل ربـي يعينـه=والبشر خلق ربي مير ربـي فرقهـا
فيه من ينفـع العالـم وينـدا جبينـه=وإبعض الناس ماودك تعرض شبقهـا
مير با قول بأعلى القيـل ياسامعينـه=واطلب اللي خلق سبع البحور وفلقها
جعل ربي يعز الدار مـع حاكمينـه=ديرةٍ كل من جاها شبع فـي شنقهـا
من فضل قايد الدولـة ومـا سابقينـه=شبعت الناس وارتاحت وربي رزقها
والحسد والنكد يرجع علـى فاعلينـه=والقلوب الغشيشه جعل يابس ورقهـا
هلا ... هلا يأم العيون المظلـه=اللـي بعينـي مالهـن حـلايـا
فيهن تقول طـراد خيـلٍ وسلـه=اما هـل الـردات والا الطنايـا
لا احذفو عـن المهـار الأجلـه=وردوا لبيـضٍ كنهـن الحنـايـا
ورداتهم تشفي القلـوب المغلـه=من غير حقرانٍ لباقـي النحايـا
يا بنت من ينطح وجيـه المهلـه=زيزوم عيـراتٍ ومقـدم سبايـا
مع دربه العيرات مثـل الأهلـه=دايـم سماريهـن تتالـى حفايـا
العذر منك اني فلا قلـت زلـه=لا طاب حظ مصورين الحكايـا
ما فيك ما ينقال فـي كـل ملـه=وعذروب أهلك يعدلون السرايـا
والزين فيك أحلا الوصايف مدله=مالك بغضـات الصبايـا تهايـا
شمسٍ على روس النوازي مطله=شعاعها يرسـل سهـوم المنايـا
لا بانت الغـره عليهـا اسـم الله=بأطرافها تقـل يتكاشـف مرايـا
مثـل البـروق بمزنـةٍ مستهلـه=توضي وكاسيها أشقرٍ له زوايـا
ما شفتهـا الا ساعـة مستزلـه=يوم العياد ويوم ذبـح الضحايـا
فالماقع اللي شافها النجـع كلـه=تلعب نهار العيـد بيـن الصبايـا
بحجاجها سيفٍ من الهنـد سلـه=تشرق وترهق موسعين الهوايـا
فأن كان هذا سب أنا راعي لـه=يا سيـد كـل مفلجـات الثنايـا
وانا ما أسب الناس طبعي جبلـه=لو كان أشوف الناس تمشي عرايا
إلا ليا جـاء شاعـرٍ فيـه خلـه=مضيـعٍ دربـه وعنـده نـوايـا
اعطيه علـمٍ ليـن دربـه يدلـه=واسنعه بالـي يسـوق المطايـا
يقولون قلبـك دايمـاً للقنـص يتـوق=وانا اقول هذي رغبـةٍ لـي وعاشقهـا
انا ليّ رغبـه والصقاقيـر فـن وذوق=يعرف الصقار مـن عشقهـا وتشبّقهـا
وانا رغبتي وهوايتي شي يـا مخلـوق=هوى البر في غرب الديار ومشارقهـا
ليا جيت روضٍ فيه مختلـفٍ الزملـوق=نبانيب نبتـه ناعـم الريـح يطرقهـا
مساقيه نوٍ ممطرٍ بـه رعـد وبـروق=تهشم مزونـه فالوطـا ليـن يغرقهـا
عقب سيلة العشب يتعـلاّ نباتـه فـوق=تشوف الفياض من النبات وتضاوقهـا
تشوف الزبيدي كنه المـرو فالرقـروق=والأشجار ظاهرٍ الزهـر مـع مفاتقهـا
ليا دجت فيه عصير والاضحي شروق=يونّسك شوف البـرق فيـه وتخافقهـا
وانا في يدي شيهانـة جنسهـا يلـوق=لو الخارم المقفي علـى الخفـو تلحقهـا
ليا ظفت الجنحان كن السمـا مشقـوق=سوات السهم والعين مـا عـاد ترمقهـا
عليها اطيارن يبهر الحاكـي الصـدوق=وفعـلٍ يحبـب فالشياهيـن وطرقهـا
ليا شقّت الداغر على القلـب والمعلـوق=تعجّـب ولله العجـب يـوم تشلقـهـا
اناستك ياراع الولع جعل مالـك عـوق=لعـل السلامـة فـي حياتـك ترافقهـا
أخذ فالقنص ياللي تحب القنص غدروق=ترى ونستك في آخر حياتـك تشفّقهـا
يقوله لك اللي ما يبا شربـة المطـروق=عسى الله يوسعهـا لنـا مـا يضيقهـا
لياجيت قاعٍ عشبه طبوق فوق طبـوق=تساقيه سحـبٍ كـن الأنهـار مدافقهـا
ما والله اغبط اللي يحبون ظول السـوق=ولا أحب ادوّج فـي الديـار وحدايقهـا
احب المطر والخيل واحب شوف النوق=واحب الهنوف اللي تكاشـف عواتقهـا
ليا صار مع جمالهـا عقلهـا ماثـوق=ليـا شفتهـا تقـول سبحـان خالقهـا
عيون المهاه وعاتـقٍ مـارقٍ منتـوق=وخدٍ كما شمس الضحي فـي تشاعقهـا
تبسّم ابيـض ذبّـلٍ مـا بهـن فـروق=كما الحص مـن محـارةٍ يـوم تفلقهـا
ليا شفتها قام يحدانـي عليهـا الشـوق=ولوهو بكيفي كـان والله مـا فارقهـا
لجّود معضّ الذيب حاضر ما هو مفهوق=واشم الخدود اللي كما الـورد وانشقهـا
هذي رغبتي وهوايتي والاّ العمر ملحوق=ولي رغبةٍ في الحـر الأشقـر محققهـا
واحب اللذي به لون من ريشة الغرنوق=به الميزة اللي راعي الصنـف يعشقهـا
اليا صار فوق الوكر ماكن فيه سبـوق=سراويلـه تغطـي كفوفـه ذلايقـهـا
عذاب الطيار الخارم المقفـي السبـوق=ليـا شافهـا مافادهـا طـول سبّقهـا
اليا من لحقها فالهوى ساق روحه سوق=كما سوق ميراجٍ عطى النـار سايقهـا
ضربها بمخلابٍ يخلاّ العظـام فتـوق=فراها ومن حرصـه تنكّـس وعلّقهـا
وعطيته من الداغر نسورٍ يذوقـه ذوق=علشان يرمـز لختهـا حيـن يرمقهـا
ليا صادها اللي لاطرد مرهيٍ بلحـوق=بقـاعٍ خضـاره كـل عيـنٍ يشوقهـا
هزعت وشعمت النار فالحاجر المرموق=وخوياي ربعٍ تعجبـك فـي طرايقهـا
نشاماً توسّع خاطر الضايـق المغلـوق=على المرجله والطيب عجـلٍ تسابقهـا
يجي شغلهم لاهـو بنـيٍ ولامحـروق=تسوّيـه أيـادٍ جعـل الالـه يرزقهـا
0000000
((شيخة الغزل))

انا لي ثمان سنين اجامل وانا مجـروح=اكن الموده داخـل الصـدر واكتمهـا
يجيني بلاً صندوق قلبي يزوحـه زوح=خطيرٍ معاليقي مـن القلـب يصرمهـا
سبايب مـودة جـادلٍ مابهـا مصلـوح=تبهذلـت منهـا مابـه احـدٍ يعلمـهـا
يقول ارحمي روحٍ تبلت لها فـي روح=هي العوق والاسباب مانـي بضالمهـا
خذتني وجرتني بضحكة غلا ومـزوح=تهايفت معها ليـن طحـت بمراحمهـا
غرقت بغلاها مغرم مثل غرقـت نـوح=ولاادري عن ايام الغـلا وش خواتمهـا
وانا مبتلٍ فيها ولالـي وراهـا شبـوح=مفاتيـح قلبـي فـي يديهـا مسلمـهـا
اليا قلت خفي حبك اللي تعـدا المـوح=تجيني بنغمات ٍ على القلـب ترسمهـا
تجيني باساليبٍ تزيد الجـروح جـروح=خذتني بضحك احجاجها مـع تبسمهـا
تبسم بيضٍ كنهـا اللولـو المصحـوح=او الـدر مـن بكـرٍ سريـعٍ ترزمهـا
عليها الحلا والملح كنك تكوحـه كـوح=حضيض الفؤاد المسعد اللـي لايمهـا
هاك الغره اللي مثل برقٍ لنوره ضـوح=سنـا مزنـةٍ ترعـد وتبـرق مقادمهـا
عن المترفات الضمّرالعقش فيها نـوح=تحشر النفوس اللـي قـويٍ عزايمهـا
تمريع مثل زملوقةٍ في محير الصـوح=عدلها النسيـم ورايـح الوبـل داهمهـا
اليا شافها راع النظـر حـار مايـروح=تكلم حشـى لله ماهـي مـن اوادمهـا
لاهي حص لاياقوت لاجوهرٍ مطـروح=تقـل فضـةٍ مصبوبـةٍ مـن مناجمهـا
هوافٍ خواصرها الجدايل عليها سبـوح=كساها اشقرٍ ياصل اليا الردف ضايمهـا
مثل ذيل شقراً ماعليهـا ثـلاث قـروح=تكـم السبايـا يـوم تطـرخ قوايمهـا
اليا سلهمـت بعيونهـا عدنـي مذبـوح=تبنجت حتـى كلمتـي مقـدر ابرمهـا
هذا هو بلاي وهو سبب جرحي المفتوح=من اسبابها افـرق هجوسـي واليمهـا
عديت وتعبت وطحت والكبد فيها فلوح=تهيج الجـروح ولاش شـئٍ يدمدمهـا
علي الخطر وشلون تلعبـي الشحـوح=مثل مالعبت بغيرهـا صـرت رايمهـا
على كيفها تومي بقلبي سـوات اللـوح=بلاي الغلا اللي بسرة القلـب واسمهـا
حلايا المهاه اللي ذعرها دبش وسروح=وراهـا تشـب النـار فيِـه وتشعمهـا
ليا جيت ابا ازعل ردني حكيها المملوح=يجيني بـلاً حتـى عيونـي يغمغمهـا
جدايه جدا ورعٍ جـداه البكـا والنـوح=يبـا حاجـةٍ مخفيتـن امـه معالمهـا
يالولا يالولا ان الخطا فاعله مفضـوح=ماعود محيم وعبرة الصـدر ازايمهـا
الشاعر الكبير : فلاح العراك
من المعلوم ان شــمال المملكة العربية السـعودية يتنقل بها العديد ممن لا يحمل الجنســية السـعودية ومن القبائل التي تقطن المملكة والعراق وســوريا والاردن ,
مما حدا بالمملكة الى ارســال لجنة لتعمل على تسـجيل البدون واعطائهم بطاقات .وقبيلة مطير العريقة تســكن تلك المنطقة شــمال شـرق المملكة والكويت ومرت اللجنة بمضاربها ,وكان القائمون على اللجنة لا يفرقون بين القبائل ومن كان له دور بارز في تكوين المملكة مثل مطير ومن لم يكن له
فقام شـاعرنا فلاح العراك وكتب هذه القصيدة مســتنكرا مجـرد ســؤال اللجنة قبيلة مطير وتســجيل اســماءابنائها لما لهم من دور بارز في توحيد المملكة , وقدمها لوزير الداخلية اللذي باشـر بمنع اللجنة من سؤال قبيلة مثل قبيلة مطيــر العريقة وســجلها يحفظ لها شــرفها
وإليك القصيده :
ابشــروا يامطيــر في بشـــرا جـديــده =لجنـة التفتيــش بالكشــــف كتبتنــــا
اصبــروا باكـــر ويطلع بالجـــريــده =ان مثـــل النــازحين معــــاملتنـــا
حطـــوا اللي جــاهـدوا دون العقيــده =مثــل نــاس توها قبــل امــس جتنـــا
لجنــة قامـت تســـوي مــا تريــده =مــا قــرت تاريخنـــا والا نســــتنا
ليتها تــدري حكومتنـــا الرشـــيده =لا نصيـــر اجنـاب ما دارت ســــنتنا
ليــت ابو فيصـــل درى والا عضيـــده =الحــــرار اللي مخـــالبها حــمتنــا
يا فهــد يا راعي الأريــاء الســـديـده =يا ذرى كــل الخليـــج ومملكتنـــا
ســـيدي عنّـــا تــرى الشـــكّه بعيــده =كـان هاللجـــنه بشـــي متهمتنـــــا
خــابــر لمطيــر وقفـــات عـــديـــده =ولو مــواقفنــا رديـــات ســــــكتنا
والرجــل من حــاجته يذكــر رصيـــده =وللرصيــد اللي ينومســـنا التفتنـــا
يــوم تحّتـــك الحــديده بالحـــديــده =ما بقــى في نجــد نــار ما كلتنـــا
يــوم حــرب الفــوضى الله لا يعيـــده =شـــايف صقــر الجــزيــره مرجــلتنا
كـم نهار ما نحســـب النــا شـــريده =في ســـبيل الله دون ام غــذتنـــا
وكـم فقدنا من ذلــول ومن وليــده =بالمغــازي والقبــايل خــابرتنـــا
حدر بيــرق راعي اليمنـى المجيــده =يــوم ابو تــركي مناديبــه دعــتنا
اشـــقر حــّول بقصــر الحكــم ســـيده =ورجعــه بالســـيف مـن نــاس غــزتنـا
حـالــف عبــدالعــزيــز ليســــتعيده =وطقتــه في راس عجـــــلان اجمعتنـــا
وكسّـــر الشـــلفا على بابه شــــهيده =كــل ما منا نســـينا ذكّــــرتنـــا
وجــت عواقبها على المســـلم حميــــده =واهــتدينا يــوم دولتنــا هـــدتنـــا
قبل ما تمشـــي بديـــده مـع بديـــده =وطلعتـــه صقــر الجــزيره وحــدتنـــا
والســــــلام اهـــديه خـــاتمة القصيـده =للملك واخـــوانه اللي حــــاكمتنـــا
(2)
اسناد على الشاعر الكبير صحن بن قويعان

ياصحن صاحبي تـل قلبـي تـل=تـل صاهـود للهجـن فـي دوره
تلهن مـرذي الجيـش وقتـن زل=وعارضتهـن لواهيـب وحـروره
روحن عقب مكسر مريع اللضـل=كاسياتـن ورى الشيـخ وسبـورهِِِ
واقبلـن كاسباتـن دقـاق وجــل=جابهن من ورى سواب مع قـوره
ان ركب فوق عوص النضاء ما ذل=يقطع السرح مـن حـد مقهـوره
ستت اشهر غزاء لين سابـع هـل=ما انكف الجيش يمشي على شـورهِِ
قلبي اللـي غدابـه حسيـن الـدل=حطها الله بعينـي غـدت صـوره
ياصحن دورولـي طريقـة حـل=قبل اسـوي بجـو الحفـر ثـوره
مـد يمـنـاك لعلـهـا ماتـشـل=وكل رجـل علـى قـد مقـدوره
(3)

كريم يا برقن سـرى كـل ليلـه=سحبه تقافـت والرعـود اقتفتهـا
يا بو سعـد لعـل برقـن نخيلـه=يسقـي ارواق محقبـه وارجبتهـا
يسقي هذا ليل الصفـي والدعيلـه=يسقي الفياظ الطامنه مـن تحتهـا
وليا اختلط نـوار عشبـه وسيلـه=شبعتبه الفاطـر ماهـي بنعجتهـا
ما امرحت يالعواي بالقصر ليلـه=شديت واكلتوا طـرات ازهوتهـا
ولابد لك يـم الشعيـب اتحويلـه=النفـس تتبـع شفهـا وشهوتهـا
قد ذقت طرد مفاختـات الجميلـه=خشوفن شخاتيت الشعيب ادهلتهـا
هـذي توصبهـا وذيـك تحبيلـه=مضربك بين ظلوعهـا وكوعتهـا
ابيك تمشـي بالرسـوم المحيلـه=منازلـن لمطيـر قـد انزلتـهـا
وتشوف كم يرعا بها مـن قبيلـه=اهل حماة وحمص كيف اعرفتهـا
الصلـب يالعـواي واعـز تيلـه=ترعاه نـاس مـا عرفنـا لغتهـا
عقب الطياح الي مـن اول يميلـه=اليـوم دقتـه الغنـم بـع سمتهـا
ليا شاف وجه المعرفـه يشتكيلـه=يشكي وينخا مطيـر فـي تاليتهـا
يالصلب مـا بيدنـا اليـوم حيلـه=ازبن على الي كل نجـد احتمتهـا
على السعود الـي تنجـي دخيلـه=كل اليديـن الطايـلات اقصرتهـا
لو الزنـاد ينـوش راس الفتيلـه=راحو طقق وهل الشطوط اعبرتها
من اول الصمـان محـد يجيلـه=مطير حمـران النواظـر حمتهـا
من جالها شقر المشـوط انعبيلـه=كم جمعتن شقـر المشـوط كلتهـا
وان صاح صياح الضحي بالطويله=تلافـتـت شيابـهـا لجهلتـهـا
وركبو على سرد المهار الاصيلـه=وتعايلت والابل زمـت طارفتهـا
ولحقو هل الابل مقحميـن الدبيلـه=ارخاص العمار دروعها لابستهـا
وحالو عليهـم والمحاجـي قليلـه=مطير لحقـت والـذرع حذفتهـا
تحالـو عنـد الشنـاح الطويلـه=وضحن زهاها خيطهـا برقبتهـا
وراحت شرايدهـم لهلهـم ذليلـه=تشفقـت عقـب الطمـع عافيتهـا
ومن طاح منهم مالقي من يشيلـه=والخيل مرجن طايحيـن اركبتهـا
وهذي عوايدنـا نهـار الوهيلـه=لاضيعـت حيرانهـا وفختتـهـا
(4)

انـا يـوم اديـر الجيب واشـيـل غـرضـانـي=علـى نـو مـاامشـي عجل مانـي علـى راضه
وابـا ادوج بـالصـمـان كـان اللـه احيـانـي =وابـا اظـهـرعلـى صلـب المشاليف وفيـاضـه
مـنـازل لمطيـر اللـي يـفـكـون الاضعـانـي=ومـراتـع دبـشـهـم فــي ربيعـه ومقيـاضـه
لـعــل الـحـيـا يـزيـه قـدام الاوطـانــي=وعلـيـه الـبـروق مــن اول الـوسم نـواضـه
لعـلـه مــن الـبـاطـن لـيـا جـو سيقـانـي =يــزل الشهـر والسـيـل مـانـش بـريـاضـه
زمــان مـضــى مــااحـد يطبـه بلعـانـي =يــوم الـبـنــادق لاشقـر المـاص لفـاضـه
حـمــاه الـدويـش اللـي يـنـوح للاكـوانـي=زعيـم لـيـا ثـور عجـاج الـرمـك خـاضـه
هـاك الحيـن يـوم الخيـل تقضب بـالارسـانـي=حمـى الشـرف والصمـان فيصل بمـركـاضـه
وكـسـر لـه جـمـوع جمعت عقـب سلطـانـي=وحمـى العطفـه اللـي لاشقـر الـراس نقـاضـه
ونـهـار الصبـاح اللـي غـدى فيـه عبطـانـي=غـزتـنـا البيـارق وانكفـت غصب فضـاضـه
حشـرهـا رصـاص مطيـرخطـلان الايمـانـي=ومـشـو لابتـي والمـوت وردوا علـى حياضـه
هــاك اليـوم يشبـع مـن لبـن كـل جيعـانـي=واهـل الفـوز حنـا واكثـر النـاس مغتـاضـه
لـنــا معـجـزات عنـد روغـات الاذهـانـي=وعـوايـد فـعـول مطيـر للـراس نهـاضـه
تـرى بـالقصيـده مـالـنـا مقـصـد ثـانـي=هـدفـنـا شـواعيــر للاشـعـار خـواضـه
وانــا مــااتعـرض حـذف نـاس تحـدانـي=وعلـى مـن ينـوش حـدودنـا لـي تعـراضـه
وانـاهاضنـي مـاقـال ابـوزيـد وارضـانـي=كـلام لابـوحـواس لـو يسـمـعـه هـاضـه
وابــا افـزع لابـو حـواس قـدام ينخـانـي=وعليه تـرى الفـزعـه مثل حـج الافـراضـه
الشاعر الكبير : مفرح الضمني
مقتطفات من قصائده رحمه الله
ياموتري شد عزمك دق الساعه=خلي كذب بالوعد والزام قافيني
عزي لمن صاحبه عقب الغلا باعه=زاد الجفا واشترى ناس جديدني
الله يلوم الغضي وش غير اطباعه=وانا احسبنه على الدنيا يصافيني
فيما مضالي يقول السمع والطاعه=واليوم صد وتكبر مايحاكيني
يارجل منتي ورى المقفين تباعه=عيب عللى اللي تبع ناس مقفيني
من لاعرف وين مدخاله ومطلاعه=يصبر على ماجرى بالعسر والليني


 
 توقيع : ذيب العرايف


إهداء منتديات ميمون

التعديل الأخير تم بواسطة ابونايف ; 14-04-2008 الساعة 02:16 PM سبب آخر: تنسيق القصايد

قديم 28-02-2008, 08:42 PM   #3


الصورة الرمزية ذيب العرايف
ذيب العرايف غير متواجد حالياً

بيانات اضافيه [ + ]
 رقم العضوية : 70
 تاريخ التسجيل :  Feb 2008
 أخر زيارة : 30-12-2011 (01:05 PM)
 المشاركات : 17 [ + ]
 التقييم :  10
افتراضي



وله ايضا:

بس لاتعاتبني ترى البال مشغول=ماحمل عتابك والليالي طويله
حل الهوى بيننا حل معقول=اما تشيل الحمل والا نشيله
هذا نصيبي عندكم ويش اباقول=ماعاد عندي ياريش العين حيله
هنيت قلب ماتولع بمحمول=ماولعنه ناقضات الجديله
لاسايل عنهن ولا هو بمسوؤل=مايعرف الا مصحفه وتهليله
وانا ذبحني ناعس الطرف مكحول=سنه صغير والوصايف جميله
يلوعني لوع الوحش لابرق الجول=بكر هداده والمراعي مسيله
ويفرني فر اللواعيب للقول=خلا قليبي كورة له عميله
وله ايضا :

يوم جيت البيت ماشفت رواد يروده=مالقيت الا العصافير واشجار النباتي
قلت ياجيران هالبيت من ذير عنوده=علموني بالخبر والجواري جارياتي
قالوا الجيران سافر ولانعرف وجوده=هقوة انه يطلب العلم بين الجامعاتي
قلت وين القاه قالوا ورى الغربي حدوده=في ديار ماتعرف البراقع والعباتي
اتصل بانكلترا والمطار اسال جنوده=ياعسى تلقى الخبر مع مدير الطايراتي
قلت يرجع بالسلامه ويوفي لي وعوده=واتمنى له يجيب الشهايد عالياتي
وهذه القصيده يتوجد فيها الشاعر مفرح بقوله :

انا هواي جويدل دلها زين=تلعب وتضحك والمبيسم ذبوحي
حبيتها حب الشرف للشريفين=قلبي عليها مثل ورع شفوحي
ورع يذاود عبرته والدهر شين=البيت خالي والرعايا سروحي
وجدي عليها وجد من حده الدين=قليل مال ولا المدين سموحي
او وجد من جاروا عليه السلاطين=بالسجن مضيوم قليل الشبوحي
او وجد عود واصل عمر تسعين=ماتوا عياله والقريب شحوحي
او وجد عذرى زوجوها مسيكين=تبغى الفراق وكل يومن طموحي
بليت بعفش مايعرف القوانين=وجهه كريه وبالعطايا شحوحي
ياليت عمري ياعرب وقم عشرين=والحق هوى بالي واداوي جروحي
فيما مضى نمشي بروض وبساتين=يرقص لنا غصن الهوى بالمزوحي
واليوم في بيتي كسير الجناحين=عاجز وشيبي في الصوابر يلوحي
امسي بهم ويصبح الهم همين=هم يراودني وهم يروحي
يالله ياغافر ذنوب المصلين=ياواحدن تدري بحالي وتوحي
تغفر ذنوبي يوم عرض الموازين =وانت اللذي لذنوب عبدك دموحي
يقول الظمني :

يالمعلم دخت من كثر الكتابه=حضرتي للدرس من كبر المصايب
دفتر التعليم قلبي ماشقابه=شقوتي في صاحبي ضافي الذوايب
يالمعلم لاتطالبني طلابه=شل قراطيسك وجوز من الطلايب
لاتلوم اللي تعذب في شبابه=عذبه طفل مع البدوان غايب
صاحبي يم النفود اقفت ركابه=حالف لانصاه لو دونه نشايب
لو تشوفه يالمعلم في ثيابه=كان تصبح من جميع الدرس تايب
يقول الظمني في النصيحه :

تعالوا ياهل الشيمات ياللي تفهموني=توحوا للجواب اللي يناسبكم صوابه
انا قبل احسب ان المرجله طرق اللحوني=سوات اللي جمع له مال ماحسب حسابه
لقيت المرجله تمشي على تسعة ركوني=تنادي من يحب الخير في منزل كتابه
الاوله بذلة المعروف باللي يبذلوني=ترى من يبذل المعروف بالطيب لقابه
واقول الثانيه من ضاع دينه طاح دوني=ومات بملة الكفار والله مادرابه
واقول الثالثه والدك والدم الحنوني=توقع لاتقاصيهم وتجعلهم ذيابه
واقول الرابعه عن ضيفكم لاتبخلوني=اليا جاء في محل الجود قولوا مرحبابه
لان الضيف ضيف الله وقدره مايهوني=وبيت العز يالاجواد ماينصك بابه
واقول الخامسه للجار حذرا تغلطوني=ويلزمك احتمال الجار مع كثر الحبابه
واقول السادسه درب النمايم لاتجوني=ترى راعي النمايم مايحوش الا الخيابه
واقول السابعه باللي ومن بك لاتخوني=اليا خنت الامين يحطك الله في عذابه
واقول الثامنه عن كل خايب تبعدوني=ردي المعرفه وسع جنابك عن جنابه
واقول التاسعه لطمة عدوك بالعيوني=اليا منه زما العايل ترى الذله عيابه
نصيحه قلتها من قلب للي يسمعوني=على تسعة ركون وكل ركن قلت مابه
الشاعر : محمد الفهاد البرازي
وهو شاعر مختفي اعلاميا ويتمتع بقوة الوصف و عسر القوافي وهو شاعر من الطراز الاول ونكتب لكم باقه من قصائده ..
لاتعتمـد علـى العفـون وتراكـا
الميـت ماتلحـق وراة المطاليـب
عين البغيض اللي تنـوح وتباكـا
ماحركت هاجس ولاصوبت ذيـب
من لاذ باشبـاه الرجـال وتشاكـا
تظهر علية من حسناتة عذاريـب
جنب ترى بعض اللحى ماتحاكـا
ماكل ثوب فيـه قـرم ومواجيـب
بالعـرف ماذريـة آدم شـراكـا
ماهم سوى من عصرلقمان وشعيب
يوم اختلط عشـب الحجروالدكاكـا
جيناوصاراردىالضيوف المعازيب
(2)
جرح الهوى جرح خطيـر وذبـاح
تبقى علاماته على القلب والـروح
له بالحشاء عندي زمانيـن مـاراح
عيا يطيب وبلـش العيـن بالنـوح
يالله لا تجزا هل الحسـد بنصـاح
وراع الحسد جعله طريحا ومفضوح
كسبت من طرد الهوى ظيم وجراح
حصيلتي ونه على غيـر مصلـوح
وجدي على من له بالاعماق مسراح
وجود رملن دمعهـا فايحـن فـوح
شافت ولدها ركزوا فيـه الارمـاح
خمس غرزنبه طاح والدم سافـوح
وقامت تعيط وترفع الصوت بصياح
تستنجد الشجعان والصـدر مفتـوح
وتفاقعوا كلن يبـا كسـب الامـداح
في ساعتن لقطع الارقاب مسمـوح
يوم انجلاء عج المغيرات وانـزاح
اضحى ولدها بطرف النزل مذبوح
ياقـل سالمهـا وياكثـر مـن راح
موقف قشر ماهو تلاعيب ومـزوح
علىالذي حبه نبـت نبـت فـلاح
فالقلب مالاعـه سمومـن ولافـوح
ارجيه لو دونـه مقاريـد وشحـاح
رجوا هل الطوفان لمرافقـة نـوح
مانساه لو ينقل جبل طـي لرمـاح
ولاتشال طويـق لجبـال رامـوح
عقبه طريـح ولاتهنيـت بمـراح
غابت عن عيوني مسرات وافـراح
متاي ابكسب غاية القلـب وارتـاح
واحط في عيون الحواسيد ذرنـوح
(3)
عقب فرقاك يالترف الغضيض
وين انا والسوالـف والقهـاوي
كل برق تحـدر لـه نضيـض
فيه من لون خـدك يالهـواوي
سارح في شعور بـك يفيـض
بيـن ود ومواصيـل وهقـاوي
يوم اشوفك على البيداء حضيض
تفتن الناس عرضات ونخـاوي
عود موز على دلـو عريـض
من فروعه يغرفـون الـرواوي
كل من لاعشق مثلـك مريـض
في هوى الغيد تلميـذ عمـاوي
ليتني لك بهـا الدنيـا بغيـض
وان مالي رجا وابقى رجـاوي
المحبـه يفسرهـا القـريـض
فرخ شيهان والعاشـق نـداوي
(4)
فرقاك ضيم وغيبتـك كلهـا وجـد
ياللـي بقلبـي مـن غـلاه متواجـد
يانورنجد ومن سكن في ثـرى نجـد
وحشتـك وحشـة ياسليـل الأماجـد
عشرتك مجد إن كان لاهل الهوى مجد
كنك وحد لوغيـرك النـاس واجـد
أعذب من الغدق كـلام العتـب بجـد
مثل السحاب اللي سرى الليل هاجـد
ياحي لك عندي دقـاق الغـلا رجـد
صدقـة كريـم وزعـت بالمساجـد
(5)
تحن القلوب العاشقـه والضلـوع العـوج
مثل ماتحن اللـي مـن الـذود منخلجـه
على ناعم ن دونه طعوس ن زمت وفجوج
سباريـت دو ن تقطـع الحيـل وتعلجـه
من الوجد كني في يدين الريـاح الهـوج
تولجت طاريها وطـرى والغـلا ولجـه
مع البارق اسبل ضيقة الخاطر المزعـوج
تجود العيـون ودمعـه وجمـره وثلجـه
الا يابعد كل الطوايـف هـاك العمهـوج
سلبنـي ودونـه نـازح البيـد منبلجـه
انا ويش عذري والهوى جاهل ن مرجوج
مقاديـم رمحـه بالحنايـا لهـن دلجـه
(6)
يعيبوني اصحاب الرخاء ما لقوا عذروب
على ظن من يحجب سنا الشمس برقبتـه
جهاهيل قوم(ن) لو تعد العيوب عيـوب
تخطريت كل(ن) بأسم جـده وعذربتـه
أنا يا ضعيفين المعانـي وطـن ودروب
على الكود كـم ليـلٍ سريتـه وشيبتـه
تهز الرياح الهوج قلبي علـى النبنـوب
تطير الضلوع وسبّق الطيـب قاضبتـه
وان كان بطرد المها شق جيب وثـوب
ترا ماني اول من رما الريـم واذهبتـه
تتوب الليالي وان بغت لا تتوب اتـوب
انا في ذرى الله وش ورى الذنب لا تبته
سريت الغداري لاجل عاشق وله محبوب
هكا الوقت لـو عـادت ليالـه عاتبتـه
(7)
سرى الليل ياسعيد وانا بين ليـت ولـو
زماني مايساعدني وجرح الغرام يـداو
بصدري جروحٍ مبطيات ٍ وشـي ٍ تـو
لك الله.. ياسيد هل العرف كيف اسـاو
من الجادل اللي كن خـده بـوارق نـو
مصابيح خده بالدياجيـر بـرقٍ ضـاو
مظاليل عينه قاذفاتٍ مـن أرض وجـو
صواريخ صنع الروس ليلة هجوم الفاو
عسفني بميدان الهـوى ليـن حالـي ذو
ورقيت الرجوم وقمت اجاوب قنيب العاو
تمكن غلاه بمهجة الـروح حتـى إلتـو
لجا.. والرجا باللي على كل خلقه قـاو
وجودي عليه ونار الاشواق جمر وضو
وجود أم ورعٍ حل حتنه وجـاه الطـاو
شريدة ظناها.. مالها إلا بنـات وهـو
تهشم بدمعٍ كن بأقصـى حشاهـا كـاو
على اللي زمالي دون وصله جبال ودو
بعادٍ مواصيله لو أنخى حـروف الـواو
وقفات مع شعر زيد بن غيام
الشاعر زيد بن غيام من الجبلان من قبيلة مطير من الشعراء البارزين في فترة من الفترات له قصائد عدة وفي مناسبات مختلفة لعلنا نذكر منها هذه الأبيات والتي قالها الشاعر زيد في عام حوالي 1335ه عندما أراد ترك البداوة والاتجاه للاستقرار بالارطاوية مع جماعته وفي أحد الأيام شاهد الشاعر رحيل البادية واشتاق للبداوة وحياة الماضي حيث تذكر شديدهم ورحيلهم ونزولهم في البراري وطردهم للصيد المتوفر في ذلك الوقت فقال:
يا مل قلب عذبه كثر الاطماع
يبي الطمع مير الطمع يخلف الطوع
والله يلولا زرفلة شقح الاقطاع
وأقول بأخذ لي مع البدو قرطوع
لا اصير في قصر ما اروع ولا ارتاع
لا هالك ظامي ولا ميت جوع
مير البلا وان طاح بالصلب رماع
وشدوا له الحيلان مع طلعة الشوع
تلقى لهم من عند ابالقد مرماع
ما عيروا في عرفج الشق مقطوع
حزم غدا لقليقلانه تمرياع
والرمث ينبت في مذاريه طالوع
في مربع وان جاه راع الغنم ضاع
تلقى الجوازي خنس فيه وارتوع
واحب هد الطير والطرش منداع
شرق عن المجذم شمال عن الكوع
فالى حصل صفق الحباري مع القاع
والله ما اغيظ اللي يصوع الذهب صوع
وايضاً للشاعر قصيدة ا خرى يقول فيها:
حداني عليه الغيض والغيض حد هلال
تطاما البحور وراح عن ديرته جالي
الا يا خزيرة واحد مسبق خيال
والا يا قليلة جنس في جيلنا التالي
انا اشهد شهادة حق ما يجرح الرجال
حذا كلمة تاتيه من صاحب غالي
وقصيدة اخرى:
الا يا عيون موحش ينتل المسباق
توايق على جول يدرج مع الشعيب
وأنا ما يلومن واحد للهوى قد ذاق
وكد ذاق حب السلهمة مع معض الذيب
وأيضاً كان الشاعر يقول خيالاً لأن الشاعر العفيف يقول رأت عينه وهو لم يرى:
توما شافت غزير الزين عيني
طاحت ا لغدفة وشقت اللي تحتها
الجدايل فوق متنه سبعتين
يا صباح الخير يا شوف طخمتها
بس عذروب الحبيب شارتين
مع سواد عيونها طول رقبتها
(........) اخذي ذلولي وارحميني
عندكم تخلف ولا عند طمعتها
قاعدة بالبيت تجلى الوجنتيني
لا لها حاجة وهذيك لهوتها
وقدكان زيد بن غيام بالكويت وهناك صاحب دكان على الطريق المؤدي الى سوق البيع والشراء اسمه أحمد النجدي ويضع رجال البادية أغراضهم عنده ومن خلص من السوق قال وعدكم دكان أحمد النجدي الرجال والنساء وزيد بن غيام يسأل صاحب الدكان أحمد النجدي بأبيات.. قال:
يا أحمد مقطفت الزماليق ما جوك = ما شفت ما عنيت هو ما أحد جاك
ما شفت من قرنه به المسك مدلوك = زول الى منك تمقلته أحياك
لاجتك تمشي كن بأقدامها شوك = تاطا مثاني ثوبها يوم تنصاك
فالى اسفهلة واستمالتك بضحوك = فقرب حفافيرك أو وص بضحاياك
وقال من قصيدة أخرى :
والله لو عندي من أشوار أشوار = اني لا أخلي كل سن بسنه
من غر من جنة مرده على النار = وانما اغتنيت الفقر ما فيه منه
لافي الصيـده !
اليكم قصيدتين له ، وارجو ممّن يعثر له على غيرها اتحافنا بها هنا ، وخاصّةً قصيدة " مــي ! "
هذا مالدي له :-
رائعه عن الواقع الشعري المرير
يالله انا داخل عليك من اربعـه قبـل اربعـه
يا سامعٍ شكوى مناجينـك وجالـي همهـا
يامرسل طه بدين الحـق والبشـرى معـه
ياجاعـلٍ مكـة لنـا قبلـه نصلـي يمهـا
البارحه في صدري الهاجوس سوى زعزعه
يوم الشوارد ذيـك يدفعهـا وذيـك يخمهـا
الشعر اقدر شيبته واحـب اقولـه واسمعـه
لاصار يغرف من محيطـاتٍ تلاطـم جمهـا
ماهو بشعر زعيط ومعيط وما خلف الاقنعـه
اللـي يجمّعهـا رفايـد ثـم يجيـك يلمهـا
يقول انا شاعر وبيت الشعر اشقـه ورقعـه
لو القصايـد مايميّـز خالهـا مـن عمهـا
لاخم سلك المكرفون وجاء لحلقـه قرقعـه
يكسر ويجبر ويتبجّـح والصحـون يرمهـا
يامسلمين الشعر حبك وسبك ماهو جربعـه
والامجـرد سالفـه بيـن البنيـه وامـهـا
والله لأ خالف قول "لو ماطاوعك وقتك طعه"
كيف اقتنع فمْشـوّهٍ كـل العيـوب يظمهـا
لاوالله الا ضعت ياشعر النبط فـي المعمعـه
شايف جراحك من غثاء ماجاك ينزف دمهـا
وانا ماني راضي على الغاوي لكن كيف اقنّعه
اصارحه وأقـول قبـل اتمـد كفـك شمهـا
لاوالله الا ارخي عنان البعد يازيـن السعـه
واترك عباة الشعر واخشاش ٍتغربش كمهـا
صحيح من قال الزمن يكشف ماخلف الاقنعه
لو الحقيقة مزعجـه لكـن تجـرّع سمهـا
الطعنه اللي في ظهرك من العـدو متوقعـه
لكن لاجت من صديق امدح بختـك وذمهـا
رائعه أخرى :-
عديت رجماً طويـل ومرتفـع هايـل
رجـمٍ بدالـي وهيضنـي وعديـتـه
وابطيت في الرجم مدري كيف انا قايل
حتى عوى الذئب من حولي وجاريتـه
لكن قلـت اذكـرالله والعمـر زايـل
وحمدت ربي على ستـره وعافيتـه
ابوي قال انتبه في المشـي تتخايـل
تراء لياشفت نفسك مانت اخو صيتـه
بالك تعيل احفظ اسمك والطم العايـل
واحـذر مـرد الحليـم ليـا تبليتـه
وأن كان مانته لزلت صاحبك شايـل
لارضيت ربك وابوك العود مارضيتـه
رفيقك اللـي تعـزه خسّـره حايـل
لكـن لاتحـرج الرجّـال فـي بيتـه
هـذا ونـا دائمـاً بالخيـر متفايـل
ون شح وجه الزمن بالاسم سميتـه
شاعر محنك وبيتـي مايجـي مايـل
اسخّـر الشـعـر واسخّرعفاريـتـه
قصائدي ماتمر اسـواق ابـن دايـل
واللي على المردفه بالخيـر مسّيتـه
وأن شفت منهو على القانون متحايل
شبّيـت روس الفتيـل ولا ترجّيـتـه
طبعي خشن واكره اللي ..لا ماني قايل
شطرٍ ثقيـلٍ علـى النطـق وتعديتـه
اعشق فجوج الخلاء والوادي السايـل
والصاحب اللـي يشرّفنـي لياجيتـه
وان قمت اسير من الصمّان لاحايـل
اخير مـن جـوّ لبنـان وسرابيتـه!
أبشر بقصيدة لافي الصيدة ( مي )
صحيح انا شايـب بعـد واسمـر شـوي
والحظ ( هاف ٍ هاف ) يذهب وياتي
واسمي من الأسماءا لقديمـات يـا مـي
اكـيــد مـــا يـعـجـب كـثـيـر البـنـاتـي
حظـي كـذا لا هــو بطـيـب ولا ســي
مثـل مـا قالـوا مـا دعـت لـي حمـاتـي
والشايـب الله يرحمـه مـا تــرك شــي
الا عـشــر مـعــزا وسـبــع لقـحـاتـي
يا بنـت راسـي مـا عـرف بـارد الفـي
مـا بيـن شمـس وحمـس هـذي حياتـي
ايـــام اسـايـرهـا رغـــم فعـلـهـا فـــي
وايــــام اجـابــهــا بــذاتـــي لــذاتـــي
اصبـر لجمـرة ذيـك كـلـه لأجــل ذي
خـــوفٍ التتقـصـيـر فـــي واجـبـاتـي
عندك خبـر حبـل الرشـا ياسـم الطـي
وحتـى الهـوى نحـت جبـال السراتـي
قـال المثـل مـا فيـه شـيء بـلا شــيء
والـمـغـفـرة مـشـروطــةٍ بـالــصــلاة
الـهـون ذل وزي مـــا هـــو لـنــا زي
عـن كـل هـون اختـار رقـعـة عبـاتـي
حلـفـت لـلأعـز راســي وانـــا حـــي
مــا دام راســـي يـــورح الـذاريـاتـي
وقصيرتي لو هي مثل شمعـة الضـي
تـحـرم علـيـه مـثـل حـرمـة خـواتــي
وانـكـان ودك تعرفـيـن اكـثـر شـــوي
هـذي صـور وجهـي وهـذي صفاتـي
وان شفتهـا ياقـلـب عـيـت بـعـد عــي
المسكنـه مـا هـي سمـه مــن سمـاتـي
اصبـر لـوان الكـي مـا يـبـري الـكـي
ورزقـي علـى اللـي كــون الكاينـاتـي
اختار حـرف الألـف والسيـن والجـي
وغيـري كثيـر اللـي يـسـوي سـواتـي
قدامنـا راحـت علـى ابـوك يــا عــدي
بـغــداد والـبـصـره وشـــط الـفـراتـي
وهذه اخرى :
صوبتني يا فهد نظرات زرقــــــــــــاء
بنت من سر المراجل في معمـــــــــــه
يا فهد لارحم ابوك البنت طرقـــــــــــاء
تجعل الرجال ينسي صورة امـــــــــــه
ماتقول الافرس من خيل برقاـــــــــــاء
عند شيخاً يفرق الجمع ويلمـــــــــــه
ياوجودي وجد من بلغ بفرقـــــــــــاء
جاه مقرودٍ بعلم امرٍ يهمـــــــــــــه
بنت عماً حبها بالقلب يرقــــــــــــــاء
زوجها كره عقب عناد عمــــــــــــــه
صاح صيحت مستغيث انقاذ غرقـــــاء
مايصير العلم ذا والهم همـــــــــــــــه
جاء وشاف الناس في الافراح غرقـــــاء
يسل السأل ولاحد لد يمـــــــــــــــــــه
لين قالو زوجت عدرٍ ةدرقــــــــــــــــــاء
ومن شهد على الرضاء خربان ذمــــــــــــه
قال لاوالفين لاوالطعن زرفـــــــــــــــــاء
زال يابنت الهواء راسي يشمـــــــــــــــه
ونفجر ضغط القشر ينزل ويرقــــــــــــــاء
عقبها جات المصيبة والمطمـــــــــــــــه
جات قالت قسمة الله يامعرقــــــــــــــاء
مايقول ابوي نذر اني لتمـــــــــــــــــــــه
قالته وقليبها محروق حرقــــــــــــــــاء
والضلوع القلب ماتقدرتظمـــــــــــــــــــه
خيم الحزن وكفوف البعد عرقــــــــــــاء
كل جرحاً في الحشى ينزف بدمـــــــــــــه
وادعت وعيونها بالدمع غرقـــــــــــــاء
وانحرف يكف عبراته بكمـــــــــــــــــــه
هكذا درب الهواء غرباً وشرقــــــــــــاء
يمدحه من جاه والثاني يذمــــــــــــــــــه
قاله اللي يطرقه خفيه طرقـــــــــــــــاء
ماعرف طعم العسل والبعد سمــــــــــــه
هيض القلب المولع نوح ورقـــــــــــــاء
وانهمل وبل السحايب من مجمــــــــــه
جم منهو باشروه بعلم فرقــــــــــــــاء
وانحرف وانحرف يكف عبراته بكمــــه
من لديه اضافه او افاده فليفيدنا يها


 
 توقيع : ذيب العرايف


إهداء منتديات ميمون

التعديل الأخير تم بواسطة ابونايف ; 15-04-2008 الساعة 12:04 PM

قديم 24-03-2008, 09:05 PM   #4


الصورة الرمزية ذيب السرايا
ذيب السرايا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jan 2008
 أخر زيارة : 15-07-2013 (02:53 PM)
 المشاركات : 915 [ + ]
 التقييم :  10
افتراضي



ذيب الله يعطيك العافيه يالغالي

واسف علي الرد المتاخر


ولكن ماحبيت ارد الا بعد مااانتهي من القراءه

واشكرك يالغالي


والله يرحم الميتين ويطول في عمر الحيين منهم يارب


تقبل ودي واحترامي :)


 
 توقيع : ذيب السرايا



قديم 25-03-2008, 03:38 AM   #5


الصورة الرمزية أبن مصاول
أبن مصاول غير متواجد حالياً

بيانات اضافيه [ + ]
 رقم العضوية : 80
 تاريخ التسجيل :  Feb 2008
 أخر زيارة : 20-05-2013 (06:01 PM)
 المشاركات : 49 [ + ]
 التقييم :  10
افتراضي



موضوع قيم جداً وأشعار تعتبر من عيون الشعر النبطي


 
 توقيع : أبن مصاول


حنا العرب والأسم والجسم أهلنـا***الــــيا من كلٍ فصـلـت لـه لـبوسـه
حنـا تـرا نزالـة القفـر حــــــــــنـا***لاجوك من عقب المخايل عسوسه

التعديل الأخير تم بواسطة أبن جويبر العبدلي ; 25-03-2008 الساعة 08:37 AM

قديم 25-03-2008, 03:11 PM   #6


الصورة الرمزية عامر الشيب
عامر الشيب غير متواجد حالياً

بيانات اضافيه [ + ]
 رقم العضوية : 6
 تاريخ التسجيل :  Jan 2008
 أخر زيارة : 18-04-2010 (11:22 PM)
 المشاركات : 158 [ + ]
 التقييم :  10
افتراضي







ذيب العرايف


يكفيني انك ذيب


جعلك تسلم يابعد راسي


تقديري


 
 توقيع : عامر الشيب

سبحان الله وبحمده

ديواني الصوتي

http://www.shbab1.com/2minutes.htm


قديم 25-03-2008, 05:54 PM   #7


الصورة الرمزية متعب صقر
متعب صقر غير متواجد حالياً

بيانات اضافيه [ + ]
 رقم العضوية : 44
 تاريخ التسجيل :  Feb 2008
 أخر زيارة : 30-06-2011 (12:10 PM)
 المشاركات : 480 [ + ]
 التقييم :  10
افتراضي



السلام عليكم ورحمة الله وبركاته
ذيب العرايف

بارك الله فيك

وليت من له صلاحيه تنسيق القصايد بشكل احسن

ابشــروا يامطيــر في بشـــرا جـديــده =لجنـة التفتيــش بالكشــــف كتبتنــــا
اصبــروا باكـــر ويطلع بالجـــريــده =ان مثـــل النــازحين معــــاملتنـــا
حطـــوا اللي جــاهـدوا دون العقيــده =مثــل نــاس توها قبــل امــس جتنـــا


 
 توقيع : متعب صقر



قديم 30-05-2008, 04:36 AM   #8


الصورة الرمزية الوهيطي الميموني
الوهيطي الميموني غير متواجد حالياً

بيانات اضافيه [ + ]
 رقم العضوية : 342
 تاريخ التسجيل :  May 2008
 أخر زيارة : 11-11-2009 (11:49 PM)
 المشاركات : 44 [ + ]
 التقييم :  10
افتراضي



موضوع
طيب
ولافيه
حيله


 
 توقيع : الوهيطي الميموني

عبدلي عبدلي مايصك الباب دونه
لاطرقله باب واحد ينفتح عشرين بابي


قديم 23-06-2008, 04:26 PM   #9


الصورة الرمزية ابو وليد
ابو وليد متواجد حالياً

بيانات اضافيه [ + ]
 رقم العضوية : 370
 تاريخ التسجيل :  Apr 2008
 أخر زيارة : 28-09-2014 (09:17 PM)
 المشاركات : 4,728 [ + ]
 التقييم :  23

اوسمتي

افتراضي



صح الله السنتهم


 
 توقيع : ابو وليد

ابو وليد


" سبحانك اللهمّ وبحمدك أشهد أن لا إله إلا أنت أستغفرك وأتوبُ إليك "


قديم 30-08-2008, 06:46 AM   #10


الصورة الرمزية بندر براك الميموني
بندر براك الميموني غير متواجد حالياً

بيانات اضافيه [ + ]
 رقم العضوية : 601
 تاريخ التسجيل :  Aug 2008
 أخر زيارة : 20-07-2014 (12:01 PM)
 المشاركات : 881 [ + ]
 التقييم :  10
افتراضي





 

قديم 22-09-2008, 04:51 PM   #11


الصورة الرمزية جراح العيباني
جراح العيباني غير متواجد حالياً

بيانات اضافيه [ + ]
 رقم العضوية : 411
 تاريخ التسجيل :  Jun 2008
 أخر زيارة : 30-04-2013 (04:06 PM)
 المشاركات : 43 [ + ]
 التقييم :  10
افتراضي



الله يعطيك العافيه يا ذيبان:n200690:


 

قديم 26-01-2009, 09:11 PM   #12


الصورة الرمزية غلا مطير
غلا مطير غير متواجد حالياً

بيانات اضافيه [ + ]
 رقم العضوية : 1079
 تاريخ التسجيل :  Jan 2009
 أخر زيارة : 21-09-2014 (08:09 PM)
 المشاركات : 10,844 [ + ]
 التقييم :  22
 الجنس ~
Female
 MMS ~
MMS ~
 SMS ~
لوْكلْ خآطرْ مجْبرْهـ إنِيّ » آدِآريه »
إبلشتِ فِكريّ بـ آلعقْولْ إلسقيمـه

اوسمتي

افتراضي



يعطيــــــــــــــــك العااااااااااااااافيه ..............


تحيااااااااااااااتي لك يا ذيــــــــــــــــــــــب ويسلمووووووووووووووووو


 

قديم 03-02-2009, 02:57 AM   #13


الصورة الرمزية راكان الوهاطي
راكان الوهاطي غير متواجد حالياً

بيانات اضافيه [ + ]
 رقم العضوية : 469
 تاريخ التسجيل :  Jul 2008
 أخر زيارة : 06-06-2012 (11:38 PM)
 المشاركات : 423 [ + ]
 التقييم :  10
افتراضي



مشكووووووور اخوي ذيب

من افضل الى الافضل انشالله

:015::015::015::015:


 

قديم 03-02-2009, 03:29 AM   #14


الصورة الرمزية سنافي مطير
سنافي مطير غير متواجد حالياً

بيانات اضافيه [ + ]
 رقم العضوية : 791
 تاريخ التسجيل :  Oct 2008
 أخر زيارة : 03-04-2010 (04:55 PM)
 المشاركات : 621 [ + ]
 التقييم :  10
افتراضي



مشكووور يا الذيب

على المقتطفاات الشعريه

وشعااار مطير الكباار الله يرحمهم جميعاا الحي و الميت

وقصاايدهم تعتبر وسااام على صدر كل مطيري

واشكركـ مره اخرى على المجهووود

تقبل مروري

سنافي مطير


 
 توقيع : سنافي مطير



قديم 15-02-2009, 07:21 AM   #15


الصورة الرمزية صالح الميموني
صالح الميموني متواجد حالياً

بيانات اضافيه [ + ]
 رقم العضوية : 940
 تاريخ التسجيل :  Dec 2008
 أخر زيارة : يوم أمس (06:54 PM)
 المشاركات : 9,868 [ + ]
 التقييم :  12
 الجنس ~
Male
 MMS ~
MMS ~

اوسمتي

افتراضي



الله ابيض وجهك وشكرا على المجهود:132:


 
 توقيع : صالح الميموني

للتواصل عبر التويتر
meemon11@


قديم 15-02-2009, 10:05 PM   #16


الصورة الرمزية ولد صمعون
ولد صمعون غير متواجد حالياً

بيانات اضافيه [ + ]
 رقم العضوية : 232
 تاريخ التسجيل :  Apr 2008
 أخر زيارة : 21-04-2013 (02:02 AM)
 المشاركات : 800 [ + ]
 التقييم :  10
افتراضي



الله يرحم الميت منهم ويبقي الحي

تسلم يمينك يا ذيب


 

قديم 18-04-2009, 04:15 PM   #17


الصورة الرمزية سعود الغرابي
سعود الغرابي غير متواجد حالياً

بيانات اضافيه [ + ]
 رقم العضوية : 1338
 تاريخ التسجيل :  Apr 2009
 أخر زيارة : 31-07-2009 (04:45 PM)
 المشاركات : 20 [ + ]
 التقييم :  10
افتراضي



تسلم يا ذيب

ويعطيك الـــ1000 ـــلف عافيه


 

قديم 26-07-2009, 06:03 PM   #18


الصورة الرمزية ولد العرافه
ولد العرافه غير متواجد حالياً

بيانات اضافيه [ + ]
 رقم العضوية : 1567
 تاريخ التسجيل :  Jul 2009
 أخر زيارة : 26-05-2011 (07:58 PM)
 المشاركات : 165 [ + ]
 التقييم :  10
افتراضي



بيض الله وجهك يا حمر العين صدق من سماك ذيب


 
 توقيع : ولد العرافه



قديم 15-08-2009, 09:46 PM   #19


الصورة الرمزية ابومشاري
ابومشاري غير متواجد حالياً

بيانات اضافيه [ + ]
 رقم العضوية : 333
 تاريخ التسجيل :  May 2008
 أخر زيارة : 21-07-2014 (11:51 PM)
 المشاركات : 3,316 [ + ]
 التقييم :  10
 MMS ~
MMS ~

اوسمتي

افتراضي



اشكرك اخي ذيب العرايف على ايراد تلك القصائد الجزله والقيمه لهولاء الشعراء والفوارس الذين لمعت اسمائهم في سماء المجد وصفحة التاريخ




شكرا جزيلا اختيار موفق

دمت بود


 
 توقيع : ابومشاري

يالله عفوك يوم تلتف الاطراف = لحظة خروج الروح لاجف دمي
اجعلنا نورِ على الوجه كشاف = شهادة التوحيد قولي بفمي
ويالله عساني يوم الاقيك مااخاف = آمن بقربك وايضاَ ابوي وامي


قديم 30-09-2009, 12:31 AM   #20


الصورة الرمزية حفيد عايد العرافه
حفيد عايد العرافه غير متواجد حالياً

بيانات اضافيه [ + ]
 رقم العضوية : 156
 تاريخ التسجيل :  Mar 2008
 أخر زيارة : 31-08-2014 (08:21 AM)
 المشاركات : 9 [ + ]
 التقييم :  10
افتراضي



يـعـطيك آلف آلف ع ـآفيه وتقـبـل مـروري :$


 
 توقيع : حفيد عايد العرافه


إهداء منتديات ميمون


 


الذين يشاهدون محتوى الموضوع الآن : 14 ( الأعضاء 0 والزوار 14)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة الشاعر عبدالله العير رحمه الله (ارجوووو التثبيت) ذيب العرايف قسم المحاوره والألغــاز 13 15-08-2009 04:43 AM


الساعة الآن 03:54 AM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. d3muae.com
HêĽм √ 3.1 BY: ! ωαнαм ! © 2010

.. جميع المواضيع و الردود تعبر عن رأي صاحبها ولا تعبر عن رأي الإدارة ,, اللهم إني بري مما يغضبك ..

.. شبكة قبيلة ميمون من مطير ..

Security team